Digitalb u bën një tjetër dhuratë të çmuar në buqetën e transmetimeve abonentëve të tij në Shqipëri dhe Kosovë. Platforma e të gjithë shqiptarëve ka siguruar transmetimin edhe për 3 sezonet e ardhshme 2018-2021 të kampionatit francez, Ligue 1 në kanalet e Supersport.
Pas Serisë A dhe La Ligas, një tjetër kampionat elitar i futbollit europian do të jetë pjesë e transmetimeve të Supersport, që si gjithmonë mbetet pika e takimit me “yjet” e futbollit botëror.
Pas Lionel Messit dhe Cristiano Ronaldos të apasionuarit e futbollit spektakolar do të kenë mundësi që të ndjekin të paktën edhe për tre vitet e ardhshme emra të tillë si Neymar Junior, Kylian Mbappe apo Edinson Cavani.
Ligue 1 thjesht plotëson mozaikun e transmetimeve ekskluzive ne vend të kampionateve më të ndjekur në glob, pikërisht në Supersport, teksa më parë u garantuan emocionet e La Ligas, Serisë A, Bundesligës, Eredivizie, Kupës së Mbretit, Kupës së Italisë, Kupës së Gjermanisë, Kupës së Francës, pa harruar Kategorinë Superiore deri në vitin 2022, IPKO Superligën e Kosovës apo ndeshjet e përfaqësueses së Shqipërisë dhe Kosovës.
