Chelsea dhe Manchester City prodhuan një ndeshje spektakolare mes tyre fundjavën e kaluar në Premier League. Dy skuadrat i dhuruan tifozëve emocione të paharrueshme, teksa ndanë nga një pikë pas barazimit të çmendur 4-4.
Me Armando Brojën që i mjaftuan pak minuta për të lërë shenjën e tij. Duke fituar penalltinë në minutat shtesë, që i mundësoi skuadrës së Pochettinos të evitonte humbjen kundër kampionëve të Anglisë dhe Europës.
Një tifoz i Chelseat pësoi një arrest kardiak në shkallët e “Stamford Bridge”. Dhe për rreth 20 minuta ishte në vdekje klinike. Për fatin e mirë, tifozi e mori veten dhe ndodhet në gjendje të mirë shëndetësore.
Lexo edhe:
- VIDEO/ Rishkruhet historia, Shqipëria në Europian!
- Ramadani, me heroin në fanellë: Arritje e madhe, kurrë nuk jam ndier kështu
- “Gjimshiti shembull”, Sylvinho: E kam për nder që jam trajner i Shqipërisë, ka pasion në punë tonë!
- Foto/ Armando Broja i bashkohet festës kuqezi: Jemi në Europian!
Ky i fundit është përballur me një surprizë të bukur nga Reece James, kapiteni i skuadrës së zemrës. Lojtari anglez e ka vizituar tifozin në spital, duke ndarë me të disa momente shumë të bukura.
“Vizitova një tifoz të Chelseat, i cili pësoi një atak në zemër gjatë ndeshjes sonë kundër Manchester Cityt. Ai kishte vdekur për 20 minuta! Fatmirësisht, mjekët ia shpëtuan jetën.
Ai është një burrë i fortë me një familje fantastike. Jam shumë i lumtur që është rikuperuar dhe ndihet mirë. Jeta është një dhuratë e çmuar. Çdo gjë mund të ndodhë në çdo kohë, kështu që shijoni çdo moment. Jini të sjellshëm dhe dhuroni gjithmonë dashuri”, ishin fjalët e bukura të zgjedhura nga James.
