Ai është kampionati më i fortë në botë, liga e vendit ku lindi futbolli, kampionati i “yjeve” dhe emrave legjendarë, ndërsa edhe për 3 vitet e ardhshme do të jetë ekskluzivitet i Supersport në Kosovë.
Digitalb dhe IPKO kanë arritur të sigurojnë të drejtat e transmetimit për Kosovën, të kampionatit më fantastik në planet, Premier Leagues, që do të vijë në ekranin e Supersport edhe për periudhën 2019-2022.
Jeni tifozë me Manchester United, Liverpoolin, Manchester City-n, Chelsea-n apo Arsenalin, pak rëndësi ka tashmë, pasi çdo javë ekipi juaj i zemrës luan në SuperSport dhe mund ta ndiqni nën një koment profesional, të shoqëruar edhe me analiza, komente e informacione nga emisionet e shumta sportive.
Duke nënshkruar kontratën zyrtare për 3 vitet e ardhshme të Premier League, Digitalb përmbush një prej misioneve të tij, për të sjellë për abonentët, eventet më të rëndësishme të globit, duke u çuar shikuesve në shtëpinë e tyre, impiantet mitike të futbollit si “Old Trafford”, “Anfield Road”, “Stamford Bridge”, etj.
