Connect with us

Hi, what are you looking for?

Itali

Dimarco zbulon parashikimin e Asllanit: Krahasimi me Roberto Carlos me nderon!

Inter fitoi me rezultatin 4-0 në shtëpi ndaj Udineses duke u rikthyer në vendin e parë të klasifikimit, me 38 pikë, dy më shumë se ndjekësit e Juventus. Një prej autorëve të golave ishte edhe Federico Dimarco që shënoi të dytin për zikaltërit në minutën e 42 falë një diagonale të saktë brenda zonës kundërshtare.

Pas ndeshjes, mbrojtësi i krahut të majtë zbuloi edhe arsyen e komunikimit me Kristjan Asllanin pasi shënoi golin. Për Inter TV, Dimarco theksoi se Asllani e kishte parashikuar golin e tij ndërsa shtoi se skuadra zikaltër po tregon mentalitetin e duhur në këtë kampionat.

Lexoni edhe:

“Gjatë javës Asllani e kishte parashikuar golin tim dhe më kishte thënë se do të shënoja. Jam shumë i lumtur për golin, por edhe për skuadrën. Po tregojmë mentalitetin e duhur. Po luajmë mirë dhe në këtë formë po vijnë edhe rezultatet.

Krahasimi me Recoba dhe Roberto Carlos? Nuk më pëlqejnë krahasimet, edhe pse normalisht që më bëhet qejfi. Janë lojtarë të cilët kanë bërë historinë e Inter, më vjen mirë që tifozët mendojnë se qëndroj përkrah tyre.

Megjithatë, unë këtë rol e interpretoj sipas mënyrës sime. Kërkoj edhe pjesën e brendshme të fushës, jo vetëm në anësore. Mendoj të krijoj pika pasimi dhe t’i krijoj hapësira shokëve, dua të luaj gjithmonë për të mirën e skuadrës.

A do të na bezdisë Juventusi për titullin? Nuk e di, janë të fortë ashtu si Milan, Napoli dhe Roma. Por, ne duhet të mendojmë për skuardën tonë pa hedhur sytë nga të tjerët”, u shpreh Dimarco.

Lajme të tjera

Legjionarët

Mirlind Daku është kthyer në një nga lojtarët më të rëndësishëm të Rubin Kazan. Sulmuesi kuqezi u transferua gjatë verës tek skuadra ruse ku...

Spanjë

Xavi Hernandez do të largohet nga Barcelona në përfundim të këtij sezoni dhe tashmë presidenti Laporta është duke menduar për zëvendësuesin e trajnerit. Sipas...

Lajme

Joachim Löw, kampion botë në krye të Gjermanisë në Brazil 2014, është pa punë që nga viti 2021, kur u largua nga përfaqësuesja gjermane....

Angli

Trajneri i Brighton, Roberto De Zerbi flet për të ardhmen e tij, e cila është një nga temat më të nxehta të ditëve të...