Milan ia doli me sukses të kualifikohej në çerekfinalen e Champions League, mirëpo në Serie A situata nuk është edhe aq në favorin e kuqezinjve. Në tre ndeshjet e fundit, Milan ka humbur dy dhe ka barazuar një duke u renditur vetëm në vendin e katërt.
Së fundmi, të besuarit e trajnerit Stefano Pioli u mposhtën me shifrat 3-1 ndaj Udineses teksa një ish-i friulianëve si Valon Behrami thekson se Milan në këtë sezon gaboi që në merkato. Ish-mesfushori me origjinë shqiptare e njeh mirë kampionatin italiane teksa për DAZN shtoi se kuqezinjtë nuk ia dolën të mbanin presionin e të qenurit favoritë për titullin në Serie A.
Lexo edhe:
- Kombëtare/ Ismajli nuk ia del, Sylvinho gjen zëvendësuesin e tij në Portugali
- VIDEO/ Gol spektakolar, Bregu frymëzon përmbysjen te Boluspor
- Red Bull dominon në Arabinë Saudite, Verstappen rikuperon 13 pozicione/ Përmirësohet Mercedes
- VIDEO/ Roma humbet derbin, Lazio e Hysajt ngjitet në vendin e dytë
“Skuadra nuk pati ndihmë nga merkato e verës. Lojtarët e afruar ishin një “bast”. Në fakt, te Milan e kishin bërë diçka të tillë një vit më parë, por në atë moment ekipi nuk u nis si favorit dhe nuk kishte shumë presion. Këtë sezon ishte ndryshe sepse Milan zbriti në fushë si kampion dhe lojtarët e rinjë nuk e mbajtën si duhet presionin”, u shpreh Behrami.
