Rennes mposhti PSG në javën e fundit të kampionatit në Ligue 1 me rezultatin 1-0, edhe pse në fushë për kryeqytetasit ishin emra si Messi, Neymar dhe Mbappe. Megjithatë, tekniku i Rennes, Bruno Genesio kishte marrë masat e duhura ndërsa gjatë sfidës ra në sy edhe një bisedë me Kylian Mbappe. Pas ndeshjes, Genesio zbuloi edhe bisedën me sulmuesin francez teksa theksoi se e respekton dhe e vlerëson shumë yllin e PSG.
“E përgëzova për gjithçka bën në fushë, por edhe për atë që do të bëjë në vitet e ardhshme. Përveç se është një lojtar i madh, është edhe një person i madh sepse ka bërë shumë në një moshë të re dhe duhet një përulësi dhe thjeshtësi për të përballuar suksesin.
Nuk është hera e parë që takohem me Mbappe, këtë herë ndaloi dhe më përshëndeti. Janë gjeste që tregojnë shumë për personalitetin dhe edukatën e tij”, u shpreh Genesio.