Arsenal është një nga klubet më aktive në këtë merkato të verës teksa “Topcinjtë” pasi zyrtarizuan dy marrëveshje të mëdha si Declan Rice dhe Kai Havertz, tashmë mbyllin edhe një tjetër tratativë.
Fjala është për Jurrien Timber, mbrojtësin që vjen nga radhët e Ajax. 22-vjeçari konsiderohet si një prej talentevë më të mëdha holandez dhe është rritur jashtëzakonisht në këto tre vite të kaluara me “Harkëtarët”. Ndaj, për Timber duket se kishte ardhur momenti i duhur për aventurën më të rëndësishme në karrierë.
Lexo edhe:
- “Heronjtë” grekë të triumfit të Euro 2004 mblidhen 19 vite pas: E pamundura nuk ekziston!
- Nuk ka më dyshime, Firmino zyrtarisht futbollist i Al Ahlit
- Reali fiton “El Clasicon” e merkatos për talentin turk
- Zyrtare/ Ja kur e nis Ancelotti punën si trajner i Brazilit
Nga ky transferim, Ajax do të përfitojë plot 40 milionë euro ndërsa pesë milionë të tjera holandezët do t’i përfitojnë në formën e bonuseve. Timber do të nënshkruajë një kontratë deri në qershorin e vitit 2028 teksa dëshira e lojtarit për të shijuar një eksperiencë në Londër ishte vendimtare.
