“Djajtë e Kuq” po kërkojnë me dëshpërim një “bomber”, për të zgjidhur “hallet” e fazës sulmuese.
Këtë sezon nuk kanë pasur një golashënues tipik, ose të paktën ata që janë në dispozicion të trajnerit holandez, Ten Hag, nuk kanë rezultuar të tillë.
Për këtë arsye, ish-trajneri i Ajaxit dhe ekipi i tij zbulues vëzhgojnë në futbollin europian për të pikasur sulmuesi që garanton gola dhe, sipas “Football Insider”, mund të jetë Lautaro Martínez i Interit.
Argjentinasi nuk shënoi dje në ndeshjen kundër Milanit në gjysmëfinalen e Champions League, por, pa dyshim, ishte një nga lojtarët që mbajti në alert mbrojtjen kuqezi.
Lexo edhe:
- Barazon rekordin e Sir Alex Fergusonit, Ancelotti unik në Champions
- Nga “mrekullia” tek “drama”, Leicester vetëm një hap larg Championshipit
- Manchester United i bindur për partnerin e Rrahmanit, gati të paguajë klauzolën
- “Është tradhtar” dhe “E ka kapur skleroza”, dy legjendat e Brazilit i bën armiq politika
Kampioni i botës me Argjentinën në Katar, mund ta mirëpresë transferimin në Premier League, megjithatë ai gjithmonë ka deklaruar se zikaltrit janë familja e tij.
Prioritet në “Old Trafford” do të ishte Harry Kane, por sulmuesi anglez kushton shumë dhe do ta jetë e vështirë t’ia shkëputësh Tottenhamit.
