Michel Salgado luajti dhjetë sezone me Real Madrid, ekip me të cilin fitoi 4 La Liga dhe 2 Champions League. Ish-mbrojtësi i djathtë spanjoll, i cili veshi 63 herë fanellën e kombëtares spanjolle, ka edhe djalin futbollist.
Miguel Angel Salgado Sanz është 17 vjeç dhe aktivizohet si sulmues. Ai është pjesë e ekipit U19 të Pacos Ferreira në Portugali, ndërkohë që ka marrë një ftesë nga kombëtarja U20 e Emirateve të Bashkuara Arabe!
Ky lajm është bërë viral ne mediet spanjolle, ndërkohë që adoleshenti do të luajë në 3 takimet miqësore të UAE, që po përgatitet për Kupën e Azisë.
Miguel Sanz ka marrë pasaportën e Emirateve të Bashkuara Arabe, kombëtare të cilin ka zgjedhur ta përfaqësojë në vazhdimësi. “Të uroj gjithë të mirat bir, shijoje çdo moment”, shkruan ish-lojtari i Realit.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
