Do gjykojë në Belgjikë, arbitri dardan përzgjidhet për duelin e Conference League

Visar Kastrati do të arbitrojë një ndeshje të Conference League. 36-vjeçari dardan është përzgjedhur të mbajë drejtësi në duelin Gent-Zilina.

Sfidë që do të zhvillohet të enjten e 27 korrikut në stadiumin “Ghelamco Arena” të Gentit, Belgjikë. Që fillon prej orës 20:00.

Komunikata zyrtare e Federatës Kosovare të Futbollit

“UEFA vazhdon t’i delegojë gjyqtarët e Kosovës në ndeshjet e kompeticioneve të saj, duke i vlerësuar për profesionalizmin dhe aftësitë e tyre në fushën e ndarjes së drejtësisë.

Kësaj radhe, gjyqtari i njohur Visar Kastrati do ta ketë nderin për të drejtuar ndeshjen e rrethit të dytë të Ligës së Konferencës.

• Lexo edhe:

  • Futbollistët më të paguar/ Vitet ikin, CR7 nuk bie nga “froni”
  • VIDEO/ Dygolësh, asist dhe rekord i veçantë! Messi shkëlqen me Interin
  • Blerja më e shtrenjtë në histori, Atalanta bën goditjen e madhe në sulm
  • Zyrtare/ Pa skuadër prej 2.5 vitesh, nigeriani firmos me Kukësin

Mes dy skuadrave të fuqishme, Gent nga Belgjika dhe Zilina nga Sllovakia, e cila zhvillohet të enjten në orën 20:00.

Kastrati, i njohur për integritetin dhe ndershmërinë e tij në fushën e lojës, do të ketë në asistencë Granit Hysenin dhe Lumturije Muhadrin.

Po ashtu dy emra të njohur dhe të respektuar në komunitetin e gjyqtarëve në Kosovë, teksa gjyqtar i katërt për këtë sfidë të rëndësishme është Ilir Mehmeti”.