Mbrojtësi i Tiranës, Albi Doka, nuk ka dyshime se Tirana do të shpallet kampione e Shqipërisë. Në lidhjen me “FanZone”, ku zbuloi disa ta fshehta nga jeta e tij private, futbollisti bardheblu u shpreh se po pret me padurim momentin, kur do të ngrejë kupën e kampionit.
“Tirana do të shpallet kampione dhe mendoj kur të rikthehemi nga kjo gjendje do ta tregojmë. Mezi po pres të kthehem dhe të ngre kupën e kampionit.”
Po e kontrollon ushqimin në karantinë?
Tani bëj shumë stërvitje, sepse i kam kushtet në shtëpi, kam palestër, fushë basketbolli, ndërsa sa i përket ushqimit, ndez skarën dhe pjek mish.
Në rrjetet sociale kemi parë se i keni bërë ofertë për martesë një modeleje ruse. Mund ta na shpjegosh diçka më tepër?
E kam thjesht shoqe dhe bëmë shaka në Instagram. E kam njohur në Greqi, gjatë pushimeve. Me të kam komunikuar anglisht.
Cili është shoku më i ngushtë në futboll?
Kristal Abazaj, me atë komunikoj më shumë. Kemi një grup ku janë edhe emra të tjerë si Çekiçi e Krymi… Abazajt po ia them drejtpërdrejt: titulli është i Tiranës dhe ai thjesht duhet të presë që të na shohë kur të ngremë kupën.
A e shihni në të ardhmen veten si futbollist i Partizanit?
Jam te Tirana, vetëm për ekipin tim mendoj tani. Në të ardhmen nuk e di se çfarë do të ndodhë, por qëllimi im është të luaj jashtë.
A keni të dashur?
Jo, jam single.
