Valentino Rossi ka mbushur 39 vjeç, ndërsa festën e ditëlindjes e ka zhvilluar në Tailandë. ‘Doktori’ ka festuar në praninë e disa miqve dhe teknikëve të skuderisë Yamaha, me të cilën garon në Moto GP.
Nga Burinami, ku Rossi është i impenjuar për provat zyrtare, në kuadër të fillimit të sezonit të ri të Moto GP-së, piloti ka postuar edhe disa foto nga festa e ditës së tij të lindjes, ndërsa ka falënderuar edhe fansat për urimet.
Ndonëse 39 vjeç, Rossi duket se nuk ka ndërmend të tërhiqet, ndërsa vetëm dje, menaxheri i Yamahas konfirmoi marrëveshjen edhe për vitin 2019 me italianin.