Blerim Dzemaili mund t’i shtojë karrierës së tij si profesionist edhe një aventurë të re në Kinë. Mesfushori 33-vjeçar ka marrë një telefonatë nga ish-trajneri i tij, Roberto Donadoni, i cili e kërkon në skuadrën që drejton, Shenzen, në kategorinë e dytë kineze.
Dzemaili ka edhe 6 muaj kontratë të mbetur me Bolognan dhe po tundohet nga oferta e rëndësishme që ka marrë, teksa edhe Donadoni po shtyn shumë për ta bindur që të transferohet.
Lojtari ka kohë për t’u menduar, pasi merkatoja në Kinë mbyllet në fund të shkurtit dhe me shumë gjasa deri atëherë përgjigja e lojtarit do të jetë pozitive.