Connect with us

Hi, what are you looking for?

Serie A

Dopietë e Alexis Sanchez, Inter mposht Parmën dhe nis arratinë

Inter përfiton maksimalisht nga ndalesa e Milanit dhe nis arratinë në krye të Serisë A, pasi mposhti Parmën me rezultatin 1-2 falë një dopiete të Alexis Sanchez dhe u ngjit në kuotën e 59 pikëve, 6 më tepër se kushërinjtë kuqezi.

Ndonëse pritej një Inter dominues, pjesa e parë nisi mjaft mirë për Parmën, që i shkoi shumë pranë golit të avantazhit me Kurtiç, por gjuajtja e tij me kokë u grushtua në mënyrë të shkëlqyer nga Handanoviç.

Reagimi i zikaltërve ishte mjaft i vakët dhe vetëm në minutat e fundit të pjesës së parë nisën të shohin drejt portës së Sepes, megjithatë skuadrat shkuan në dhomat e zhveshjes me rezultatin e bardhë 0-0.

Pjesa e dytë nisi vrullshëm për të besuarit e Contes, që pas disa aksionesh të rrezikshme, zhbllokuan rezultatin me anë të Alexis Sanchez, i cili iu ‘vodh” mbrojtjes vendase dhe mposhti portierin Sepe.

Vetëm 8 minuta më vonë ishte sërish sulmuesi kilen që shënoi edhe golin e dytë për Interin, sërish i shërbyer nga Romelu Lukaku, që bëri gjithçka mirë në gjysmëfushën kundërshtare, para se të jepte pasimin vendimtar.

Trajneri D’Aversa freskon skuadrën me tre zëvendësime dhe në minutën e 71-të Parma ia del të rihapë ndeshjen, teksa pas një aksioni pa shumë pretendime, Hernani u harrua në shtyllën e dytë dhe gjuajti, duke mposhtur Handanoviç.

Ky gol i bëri minutat e mbetura mjaft emocionuese, me emilianët që provuan me të gjitha mënyrat të shmangin humbjen, por nuk ia dolën, ndërsa në krahun tjetër Lukaku e Luataro shpërdoruan disa mundësi për të mbyllur ndeshjen.

Vërshëllima finale e arbitrit Pasqua la në fuqi suksesin 1-2 të zikaltërve, që regjistruan kështu fitoren e 6 radhazi në kampionat dhe nisën shkëputjen në krye të renditjes, pasi e shohin veten +6 pikë nga Milani i vendit të dytë.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...