Pas një merkatoje të bujshme në janar, Shkëndija u ka dhënë fund edhe përgatitjeve dimërore në Antalya të Turqisë. Kuqezinjtë nga Tetova kanë zhvilluar një miqësore ndaj letonëve Valmeirës, e cila u mbyll me rezultatin e barabartë 2-2.
Sulmuesi shkodran, Erald Çinari, i cili iu bashkua Shkëndijës vetëm pak ditë më parë, ishte autori i dy golave për kuqezinjtë, që janë gati tashmë për gjysmën e dytë të kampionatit.
Shkëndija do të rikthehet në fushë më 19 Shkurt në derbin shqiptar ndaj Shkupit, një sfidë që pak muaj më parë degjeneroi në dhunë mes tifozëve e futbollistëve.
Këtë herë kuqezinjtë do të kërkojnë të marrin tri pikët dhe të shpresojnë në ndonjë hap fals të Strugës, për t’u rikthyer sa më shpejt në garën për titullin kampion.
