Marcelino debuton me humbje në pankinën e Athletic Bilbaos, pasi baskët u mposhtën me rezultatin 2-3 nga Barcelona mbrëmjen e sotme, në një ndeshje ku Lionel Messi ishte protagonist absolut.
Sfida e vlefshme për javën e dytë u rikuperua pikërisht mbrëmjen e sotme, pasi Barcelona e nisi me vonesë kampionatin, ndërsa me suksesine marrë në këtë transfertë, katalanët u ngjitën në vendin e tretë me 31 pikë, 7 më pak se Atletico kryesuese.
Inaki Williams shënoi për baskët e Bilbaos që në minutën e tretë, por katalanët rikthyen baraspeshën me anë të mesfushorit të ri, Pedri.
Më pas ishte radha e Lionel Messit që të shënonte dy gola mjaft të bukur dhe të vuloste suksesin e Barcelonës, ndërsa Munian të shënonte golin e dytë për Bilbaon.