Atletico e Madridit është vetëm një hap larg sigurimit edhe matematikisht të pjesëmarrjes në Ligën e Kampionëve sezonin e ardhshëm, pasi mbrëmjen e sotme mposhti Mallorcën me rezultatin e pastër 3-0.
Alvaro Morata ishte protagonist për skuadrën e Simeones, pasi shënoi dy herë në pjesën e parë, ndërsa 10 minuta para fundit ishte Koke që vulosi suksesin, duke shënuar edhe golin e tretë.
Me këtë fitore madrilenët konsolidojnë pozitat në vendin e tretë me 62 pikë, ndërsa Mallorca mbetet në zonën e rënies dhe komplikon maksimalisht mbijetesën, kur kanë mbetur edhe 4 javë nga fundi i kampionatit.