Connect with us

Hi, what are you looking for?

Kategoria Superiore

Dora e Peter Pacult te Kukësi i ri, rezultat me lojë të bukur

“Shkopi Magjik” është elementi që përmendet shpesh në futboll. Asgjë nuk mund të konvertohet nga negative në pozitive në fraksionin e sekondës, megjithatë mentaliteti i një skuadre mund të nisë të përmirësohet edhe pas pak javësh. Dëshmia e qartë është loja e Kukësit. Peter Pacult u emërua në krye te bluve më datë 2 Janar, duke marrë përsipër një bast me koeficient të lartë vështirësie. Kukësi kishte humbur në errësirë nën drejtimit e Milinkovic. Natyrisht jo e gjithë përgjegjësia ishte e teknikut serb, por rezultatet dhe humbjet turpëruese ndaj Lushnjës dhe Luftëtarit e kishin zhveshur ekipin nga petku i kampionit.
Përvoja e Peter Pacult u vendos menjëherë në shërbim të ekipit, madje grimcat e ndryshimet u vunë re që në fazën përgatitore. 2 fitore kundër Kayserisporit dhe Bursasporit, 2 skuadra të Superligës së Turqisë, më pas sinjali i parë i vërtetë i një ekipi me “make – up” të ri ishte takimi kundër Fenerbahces. Vetëm dy penallti të akordura me dashamirësi nga gjyqtari bënë që sfida të mbyllej në barazim.
Natyrisht, miqësoret e kanë rëndësinë e tyre, por dueli me Vllazninë do të ishte prova e vërtetë. Verilindoret jo vetëm triumfuan 1-3, por më kryesorja dhuruan ndoshta futbollin me të bukur të dy sezoneve të fundit. Afrimet në merkato kanë rezultuar deri më tani goditje të sakta. Donjet Shkodra u shfaq rregullator i lojës në mesfushë dhe Zderic debutoi me gol duke qenë edhe një pikë e fortë e repartit mbrojtës. Kukësi funksionoi i gjithi si grup, duke prodhuar raste të tjera para portës kundërshtare. Duket sikur ka kaluar shumë kohë nga ai ekip pa busull i fazës së parë e të dytë, por në fakt pjesë më e madhe e organikës është po ajo, thjesht janë bërë meremetimet e duhura.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...