Borussia Dortmund e ka nisur shumë mirë vitin 2023. Verdhezinjtë regjistruan fitoren e pestë radhazi në fushën e Werder Bremen, dhe tani ndodhen tri pikë larg kreut në Bundesliga.
Youssoufa Moukoko pësoi një dëmtim në takimin e fundit, që e detyroi të braktiste fushën pas gjysmë ore lojë. 18-vjeçari i është nënshtruar kontrolleve mjekësore dhe do të mungojë rreth 6 javë.
Moukoko humbet në këtë mënyrë dy përballjet në Champions League përballë Chelsea. Ndeshjet ndaj “Bluve të Londrës”, do të zhvillohen në datat 15 shkurt (Signal Iduna Park) dhe 7 mars (Stamford Bridge).
