Pas një fushate spektakolare në merkaton verore, Borussia e Dortmundit ka “treguar dhëmbët” që në javën e parë, duke triumfuar me rezultatin e thellë 5-1 përballë Augsburgut.
Në “Signal Iduna Park” miqtë befasuan duke shënuar që në minutën e parë me anë të Niederlechner, por 45-minutëshi i parë përfundoi 1-1, pasi verdhezinjtë barazuan me anë të spanjollit Alcacer.
Pjesa e dytë foli tërësisht për Borussian e Dortmundit, që shënoi edhe 4 herë tē tjera me anë të Sancho, Reus, Alcacer dhe Brandt, duke kompletuar suksesin me rezultatin e thellë.
Zhgënjeu në shtëpi Werder Bremeni i Milot Rashicës, që humbi 1-3 përballë Dusseldorfit, ndërsa sulmuesi i Kosovës luajti për 65 minuta, duke asistuar golin e vetëm të skuadrës së tij.
Vetëm 4 minuta në fushë për mesfushorin kuqezi Amir Abrashi, ndërsa Freiburgu i tij fitoi me rezultatin e pastër 3-0 përballë Mainzit. Fitore morën edhe Leverkusen 3-2 ndaj Paderbornit, e Wolfsburgu 2-1 ndaj Kolnit.
