Dortmundi fiton 1-2 derbin e Ruhrit dhe forcon pozitën në krye të Bundesligës me 36 pikë. Në “Veltins Arena”, në një atmosferë të jashtëzakonshme të krijuar nga tifozët, u zhvillua një sfidë emocionuese, por në fund festuan verdhezinjtë, që hedhin një hap të rëndësishëm drejt titullit kampion.
Delaney kaloi ne epërsi Dortmundin që në minutën e 7-të. Pas shumë përpjekjesh blutë mbretërorë arritën të kthenin baraspeshën në rezultat në minutën e 61-të, por entuziazmi për të marrë fitoren i “gënjeu”, pasi Sancho në të 74-ën shënoi një tjetër gol për verdhezinjtë, që u dha suksesin miqve.
Ngjitet në vendin e dytë Bayerni, që mposhti 3-0 Nurnberg me dy gola të Lewandowskit në pjesën e parë dhe finalizimin e Ribery në fraksionin e dytë. Në takimet e tjera Bayer Leverkuseni mposhti 1-0 Augsburgun, Freiburgu shkatërroi 3-0 RB Leipzig dhe Wolfsburgu barazoi 2-2 me Hoffenheim.