Borussia Dortmund nuk do të shesë Pierre-Emerick Aubameyang gjatë merkatos së janarit. Lajmin e raporton prestigjiozja gjermane “Sport Bild”. Për sulmuesin është përfolur për një “divorc” të mundshëm me verdhezinjtë, por për momentin në shtëpinë e gjermaneve nuk ka ardhur ende një ofertë zyrtare, me kartonin e lojtarit të vlerësohet 70 milionë Euro. Megjithatë Dortmund s’dëshiron të humbasë Aubameyang të paktën deri në verë, pasi shpreson që më ndihmën e lojtarit nga Gaboni të sigurojë kualifikimin në Champions League.
