Bylisi mori vetëm një pikë në përballjen me Partizanin në “Adush Muça”, ndërsa në përfundim të ndeshjes trajneri Veljko Dovedan pranoi se për mënyrën sesi ndodhën ngjarjet, është i kënaqur me barazimin.
Sa i kënaqur jeni me ndeshjen e sotme?
Në fund jam shumë i kënaqur me rezultatin. Deri para golit të pësuar ishim shumë mirë dhe nuk kishim asnjë problem. Pas kësaj pashë që skuadra ishte më e frikësuar.
Pse nuk ishte Goxhaj?
E pa e gjithë Shqipëria pse nuk luan Goxhaj. Unë jam trajneri dhe e vendos unë kush e gjuan penalltinë, ndaj askush nuk mund të dalë kundër vendimeve të trajnerit.