Pas disa javësh të mira, Bylis ka marrë vetëm një pikë në 3 javët e fundit dhe pasditen e sotme ka pësuar një tjetër humbje, këtë herë me rezultatin e thellë 4-0 ndaj Teutës në Durrës.
Ky rezultat ka tronditur jo pak besimin e mallakastriotëve te mbijetesa, ndërsa këtë e pranon edhe trajneri Veljko Dovedan, i cili tha se ka mungesa lojtarësh dhe se po vëren në fushë një skuadër me luhatje nga ndeshja në ndeshje.
“Kemi vështirësi dhe nuk e fshehim dot. Lojtarët këta janë dhe ndonëse krijojmë raste, nuk arrijmë të shënojmë dot. Nuk më pëlqen që skuadra luan me luhatje, pasi bëmë një ndeshje mjaft të mirë me Tiranën dhe u shpërfytyruam sot. Do të jetë e vështirë mbijetesa, por do të provojmë të bëjmë më të mirën”, u shpreh Dovedan.
