Tepër i irrituar me gjykimin gjatë lojës, por edhe në prononcimin e tij në emisionin “Gol pas Goli”. Trajneri i Bylisit, Vejlko Dovedan, e ka të vështirë ta pranojë disfatën e skuadrës së tij përtej minutave shtesë të akorduara nga gjyqtari Jorgji.
“Deri diku jam i kënaqur me lojën, por jo për mënyrën sesi kemi pësuar golin. Goli është bërë në minutën e 96-të. Nuk e kuptoj se si u dhanë 4 minuta shtesë dhe u bë në minutën e 96-të.
Kam pretendimet e mia edhe për mënyrën e dhënies së faullit, se Goxha ka kërcyer normalisht e nuk mendoj se është faull. Pastaj goli është në pozicion jashtë loje.”
Spostimi i Goxhajt: Në momentin që Tirana kaloi në avantazh, e kalova Goxhajn para, sepse i di aftësitë e tij në sulm. Kur Mëllugja mori karton të kuq, e ktheva përsëri në mbrojtje se shkoi me tre në prapavijë.
Ngoo, jashtë loje: Goli i Ngoosë është pozicion jashtë loje i pastër në pasimin me kokë të Dokës. Goli i parë? Shihni pamjet, nuk po flas. Penalltia? Neto.