MotoGP

Dovizioso bën mrekullinë në Sepang, titulli vendoset në Valencia

Andrea Dovizioso mban të hapur garën për titull në Botërorin e Moto GP, pasi triumfoi në Cmimin e Madh të Malajzisë, duke rikuperuar 12 pikë nga Marc Marquez, i cili preferoi të mos rrezikonte dhe e mbylli në vendin e katërt garën në Sepang. Kampioni i ri Botës në Moto GP do të mësohet në Cmimin e Madh të fundit të vitit, në pistën e Valencias në Spanjë. Gjithsesi, Marquez mbetet i favorizuar pasi kryeson renditjen e përgjithshme me 282 pikë, 21 më shumë se Dovi. Nga gjashtë fitore secili kanë koleksionuar dy kryesuesit, por piloti spanjoll i Repsol Hondas ka grumbulluar 21 pikë më shumë me vendet e dyta dhe të treta.

Duke iu kthyer garës së Sepangut, i dyti, pas Dovoziosos, e kaloi finishin piloti tjetër i Ducatit, Jorge Lorenzo, ndërsa në pjesën më të ulët të podiumit u ngjit Zarco i Yamahas. Marquez u ndoq në finish nga spanjolli tjetër i Hondas, Dani Pedrosa, më pas mbërritën dy italianët, Petrucci i Ducatit dhe Valentino Rossi i Yamahas.

Të Fundit

To Top
Evolve Web Agency Evolve Web Agency