Nuk ka qetësi për Paul Pogbanë. Mesfushori francez la në lot fushën në sfidën Juventus-Cremonese pas vetëm 22 minutash lojë.
Një tjetër dëmtim, me sa duket i rëndë, për ish-lojtarin e Manchester United. Mësohet se Pogba është dëmtuar në në kuadricepsin e majtë dhe në orët në vazhdim do të mësohet shkalla e dëmtimit.
Sapo u rrëzua në fushë, francezi kërkoi me dëshpërim ndihmën mjekësore dhe pas pak çastesh u largua mes lotësh me barelë.
Lexo edhe:
- Ndryshime në kombëtaret e moshave/ Largohet trajneri i njohur, Bulku rritet në detyrë
- VIDEO/ Goli i parë në Rumani, Hoxhallari merita në fitoren UTA Arad
- VIDEO/ Tjetër gol në Ukrainë, Seferi “nderon” Vorsklan
- VIDEO/ City nuk fal në transfertë dhe “zhyt” Evertonin, fiton edhe Brentford
Nga gëzimi në lot, të gjitha në hapësirën e vetëm 22 minutave për Pogbanë, i cili në kthimin e tij si titullar bie shpejt në dëshpërim.
Shokët e skuadrës i munduan ta ngushëllonin, por situata e Pogbasë nuk ishte aspak e mirë. Një dëmtim tjetër i rëndë që duket se do të ketë pasoja serioze për karrierën e francezit.
Sa i përket rezultatit të ndeshjes, bardhezinjtë fituan 2-0 me gola të Fagiolit dhe Bremer. Juventusi me këtë fitore ruan vendin e dytë me tri pikë më shumë se Interi.