Pas largimit të Rafa Benitezit, që mori drejtimin e klubit kinez, Dalian Yifang, Newcastle vazhdon kërkimin e zëvendësuesit të spanjollit. Mes alternativave të shumta që përmenden për të marrë drejtimin e skuadrës nga “St. James” Park” është edhe Steve Bruce.
58-vjeçari aktualisht drejton ekipin e Sheffield Wednesday në Championship. Më parë Bruce ka drejtuar edhe skuadra si Sheffield United, Crystal Palace, Sunderland, Aston Villa etj.
Eksperienca e Steve Bruce duket se ka bindur drejtuesit e Newcastle, të cilët mendojnë të nisin menjëherë bisedimet për ta bindur që të marrë drejtimin e skuadrës për sezonin e ardhshëm.
