Drenica befasoi Feronikelin në javën e 21-të të Superligës së Kosovës. Skuadra nga Skënderaj iu imponua 1-3 Niklit në këtë derbi të zhvilluar në “Rexhep Rexhepi”, duke e ndezur edhe më shumë garën për mbijetesë.
Uka kaloi në epërsi mysafirët në minutën e 18-të, por Simonosvski barazoi në të 39-tën. Në minutën e parë shtesë të fraksionit hapës Frashëri riktheu avantazhin e Drenicës, që shkoi në dhomat e zhveshjes edhe në superioritet numerik, pas ndëshkimit të Bojkut me karton të kuq. Gjatë pjesës së dytë Drenica realizoi edhe golin e sigurisë me autorin e finalizimit hapës, Uka.
Besa duket se nuk ka më motiv për të luftuar për mbijetesën. Skuadra pejane u mposht 0-3 nga Arbëria. Autorë të golave ishin Marclei, Bahtiri dhe Kryeziu.