Drenica e mbylli gjysmën e parë të sezonit në IPKO Superligë në vendin e parafundit, një pozicion që të çon një kategori më poshtë, por synimi i drejtuesve të klubit dhe trajnerit Bledar Devolli, është sigurimi i mbijetesës me çdo kusht.
Pikërisht për këtë arsye klubi po vijon punën për t’u përforcuar me futbollistë të njohur të Kategorisë Superiore në Shqipëri, teksa pasi zyrtarizoi dje ish mesfushorin e Vllaznisë, Behar Ramadani, sot ka prezantuar edhe dy prurje të reja, mesfushorin Donald Rrapo dhe mbrojtësin Eglantin Gjoni.
Donald Rrapo, i cili ishte pjesë e Laçit deri në fund të vitit të kaluar, por humbi vendin e titullarit te kurbinasit dhe bashkë me klubin vendosën të ndërpresin bashkëpunimin, ndërsa tani do të jetë një vlerë e shtuar për skuadrën e drejtuar nga Devolli.
Edhe Eglantin Gjoni ka një të shkuar te suksesshme te laçi, ku luajti për 4 sezone dhe u largua nga kurbinasit vetëm gjatë kësaj vere, ndërsa në gjysmën e parë të sezonit ishte pjesë e Llapit të Podujevës.
Ndërkohë drejtuesit e klubit të Drenicës kanë paralajmëruar se priten edhe përforcime të tjera në ditët e ardhshme, por pa bërë të ditur emrat, ndërsa trajneri Devolli ka nisur nga puna për të ndërtuar një skuadër të denjë për të siguruar mbijetesën sa më shpejt.