Borussia Monchengladbach u eliminua në mënyrë të befasishme nga Kupa e Gjermanisë, pasi u mposht 3-0 nga Hannoveri, teksa tashmë e ardhmja e trajnerit austriak Adi Hutter është vënë seriozisht në pikëpyetje.
I ardhur nga Eintrachti i Frankfurtit, tekniku austriak nuk ka arritur të përmbushë pritshmëritë ndaj tij te Gladbach dhe vetëm rezultatet pozitive ndaj Bayernit të Mynihut duket se nuk mjaftojnë për të mbajtur pankinën.
Mediat në Gjermani flasin për një ultimatum ndaj Hutter, që duhet të fitojë patjetër përballjen e fundjavës ndaj Union Berlin, në mënyrë që të mund të shmangë shkarkimin nga pankina e Borussia Monchengladbach, që përveç eliminimit nga Kupa e Gjermanisë, pozicionohet në vendin e 12 dhe është vetëm 4 pikë larg zonës së rënies.
