Drita e nis me hap kampioni sezonin e ri në IPKO Superligën e Kosovës. Skuara gjilanase triumfoi thellë 5-0 me KEK-un, skuadrën që rikthehet në elitën e futbollit kosovar.
Më pak se 22 minuta lojë rezistuan futbollistët e KEK-ut, pasi Krasniqi zhbllokoi rezultatin, duke u dhënë më shumë qetësi kampionëve në fuqi. Në pjesën e dytë e shënuan për vendasit Haxhumusa dy herë, sërish Krasniqi dhe Gërbeshi, që vulosën rezultatin përfundimtar 5-0.
Nisje pozitive edhe për Flamurtarin, që fitoi minimalisht me Ferizajn, falë golit të Shillovës në minutën e 17-të.
Po 1-0 fitoi edhe Drenica në fushën e Llapit. Golin e vetëm të takimit e realizoi Abazi në minutat shtesë të pjesës së parë. Rezultat befasues mori edhe Ballkani, që fitoi minimalisht në transfertë me Lirinë e Prizrenit me golin e vetëm të sfidës që u shënua në shtesë.
Këtë të hënë luhet ndeshje e fundit e javës së parë mes Prishtinës dhe Gjilanit, ndërsa takimi hapës mes Feronikelit dhe Trepçës 89’, i luajtur të shtunën, përfundoi në barazim 1-1.
E shtunë
Feronikeli – Trepça 89’ 1-1
E diel
Drita-Keku 5-0
Flamurtari – Ferizaj 1-0
Llapi – Drenica 0-1
Liria – Ballkani 0-1
E hënë
Prishtina – Gjilani