Klubi i Dritës në Kosovë njoftoi para pak ditëve largimin nga detyra të trajnerit Arsim Thaçi si pasojë e rezultateve të dobta. Por, gjilanasit nuk do të mbeten gjatë pa një trajner pasi drejtuesit kanë arritur marrëveshjen me një emër të njohur dhe me shumë eksperiencë në futbollin shqiptar.
Lexo edhe:
- Seferi në radarët e klubit gjerman, pritet oferta në fund të sezonit
- Në Spanjë e bëjnë fakt, UEFA gati të përjashtojë Barcelonën nga Europa
- Jo vetëm Josa për stolin, Drita projekton rikthimin e bujshëm
- VIDEO/ “Fair Play” i sulmuesit, fiton respektin e tifozëve dhe kundërshtarëve
Fjala është për Mirel Josën i cili pritet të prezantohet gjatë ditës së mërkurë teksa do të marrë “çelësat” e skuadrës deri në fundin e sezonit aktual, ndërsa në kontratë përfshihet edhe marrëveshja për sezonin e ardhshëm.
Eksperienca e fundit e Mirel Josës ishte tek Vllaznia në Abissnet Superiore ndërsa tashmë 59-vjeçari përgatitet të rikthehet në Kosovë, aty ku gjatë viteve 2017-2019 ka drejtuar kryeqytetasit e Prishtinës. Aktualisht, Drita renditet në vendin e dytë të kampionatit me vetëm një pikë më pak se Ballkani kryesues teksa është në garë për titullin kampion.
