Këtë të shtunë ka nisur raundi i 22-të i Superligës së Kosovës me Dritën që ngec në transfertën e Ferizaj.
Ndeshja mes këtyre dy skuadrave u mbyll me rezultatin 2-1, me vendasit që ndonëse ishin me 10 lojtarë, fituan me përmbysje.
Selmani zhbllokoi sfidën për Dritën në minutën e 54’, megjithatë ky avantazh zgjati vetëm 3 minuta, pasi në minutën e 57’ Hyseni barazoi për Ferizaj. Sfida vazhdoi me këtë rezultat deri në minutën e 85’ kur Haxhimusa përmbysi takimin. Në minutën e 90’ vendasit mbetën me një lojtar më pak pasi Shabani mori karton të kuq.
Pas këtij takimi Drita vijon të qëndrojë në vend të dytë me 44 pikë, teksa Ferizaj ngjitet në vend të nëntë me 21 pikë.
Lexo edhe:
- Alonso gati për sezonin e ri: Më i fortë se kurrë, nuk ka ndjesi më të mirë se një makinë e F1
- Duel titulli, Sanchez paralajmëron PSG: Velodrome është i frikshëm!
- “Treni i fundit” për titullin, Atletico për t’i “prishur” punë Realit në derbin e Madridit
- Sylvinho u tregon Shqipërinë brazilianëve: Objektivi është kualifikimi në Evropian
Malisheva bind ndaj Drenicës, të cilën e mundi me rezultatin 3-1. Vendasit morën avantazhin që në minutën e 12’ me Sobowale. Miqtë tentuan të reagonin dhe barazuan me Abazin në minutën e 35’.
Megjithatë Malisheva morë sërish avantazhin në minutën e 39’ për ta mbyllur në epërsi fraksionin e parë.
Në minutën e 60’ Maliqi do të vuloste rezultatin e kësaj sfide, duke shënuar golin e tretë për vendasit.
Pas këtij takimi Malisheva ngjitet në vend të shtatë me 24 pikë, teksa Drenica qëndron në vend të dhjetë me 20 pikë.
