Drita reagoi pas humbjes në Mitrovicë. “Intelektualët” nuk u përmbajtën përballë Dukagjinit, rival të cilin e mposhtën 5-1. Ardit Tahiri u dhuroi vendasve avantazhin në pjesën e parë.
Ergyn Ahmeti ekzekutoi saktë një penallti pas një ore lojë, duke barazuar përkohësisht rezultatin. Drita nuk u përmbajt dhe realizoi katër gola të tjerë në minutat e mbetura (Basriu (aut), Krasniqi, Selmani, Ajzeraj).
Fitorja e sotme ngjiti Dritën në kuotën e 41 pikëve, po aq sa numërojnë kampionët e Ballkanit, të cilët luajnë të dielën kundër Drenicës.
Vijon momenti i mirë për Llapin. Skuadra nga Podujeva triumfoi 2-1 ndaj Trepça ’89. Golat e fitores u realizuan në pjesën e dytë nga Festim Alidemaj dhe braziliani Firmino (penallti).
Lexo edhe
- VIDEO/ Ngec City, Nottingham “asist” Arsenalit. Chelsea në krizë
- VIDEO/ Goditje dënimi perfekte, Ward-Prowse në ndjekje të Beckham
- Mbaron aventura e Marcelos në Greqi, braziliani ndërpret kontratën me Olympiacos
- Gaboi në Arsenal-Brentford, 51-vjeçari tërhiqet nga arbitrimi
Ardian Muja barazoi përkohësisht për skuadrën nga Mitrovica. Prishtina vazhdon të vuajë. Bardhekaltrit regjistruan humbjen e dytë radhazi për vitin 2023.
Ferizaj fitoi 1-0 përballë Prishtinës falë golit të kroatit Mateo Panadic në fundin e pjesës së parë. Fitore e artë kjo për Ferizajn, që gjithsesi vijon të renditet në vendin e fundit në kampionatin dardan.
