Komisioni i përhershëm shtetëror në Spanjë kundër dhunës, rracizmit, ksenofobisë dhe intolerancës në sport, e ka etiketuar derbin katalanas të fundjavës së ardhshme mes Espanyol dhe Barcelonës si një ndeshje me rrezikshmëri të lartë.
Sfida e vlefshme për javën e 34 të La Ligës do të luhet të dielën e ardhshme në 14 maj, dhe do të transmetohet live nga Supersport me takimin që nis në orën 21.00 në RCD Stadium, impiant që do të mbledhë rreth 40 mijë tifozë.
Do të jetë një duel vendimtar në fazën finale të sezonit, që nga momenti që skuadra e drejtuar nga Xavi Hernandez do të shpallet kampione e Spanjës nëse ja del të fitojë ndaj Espanyol.
Lexo edhe:
- Barazon rekordin e Sir Alex Fergusonit, Ancelotti unik në Champions
- Nga “mrekullia” tek “drama”, Leicester vetëm një hap larg Championshipit
- Manchester United i bindur për partnerin e Rrahmanit, gati të paguajë klauzolën
- “Është tradhtar” dhe “E ka kapur skleroza”, dy legjendat e Brazilit i bën armiq politika
Barça madje mund të arrijë në startin e ndeshjes me titullin e siguruar nëse Reali i Madridit dhe Atletico do të humbisnin respektivisht ndeshjet me Getafen dhe Elchen.
Nga ana tjetër edhe për Espanyolin e drejtuar nga Luis Garcia do të jetë një duel vendimtar, duke qenë se skuadra lufton për të mos zbritur në kategorinë e dytë. Një fitore mund ta afrojë me mbijetesën, por një disfatë mund të jetë fatal për rënien nga kategoria të Espanyol.
