Katër pikë në katër javët e para të Premier League. Chelsea nuk e ka nisur sipas pritshmërive dhe skuadra londineze duket se do të vuajë rezultatet edhe në këtë sezon. Trajneri Mauricio Pochetino kërkon kohë, duke qenë se aktualisht ka skuadrën me moshën mesatare më të re në Premier League.
Tekniku argjentinas thekson se lojtarët e rinj duhen të mësojnë ende ndërsa riktheu në memorie emra si Terry, Lampard apo Drogba që bënë histori me Chelsean, por sipas Pochetinos edhe atyre iu desh kohë para se të arrinin pjekurinë.
Lexoni edhe:
- Sylvinho “fluturon” ulët: Edhe tri finale, s’mund të mendojmë që jemi kualifikuar
- Ndryshon pronësia, Everton blihet nga fondi që zotëron Genoa, Hertha Berlin dhe shumë klube të tjerë
- Gol dhe asist tek Antwerpi, sulmuesi i Kombëtares në një moment të artë (video)
- VIDEO/ Më i miri i ndeshjes, Tuci i jep fitoren Lokomotivës së Zagrebit
“Është një Chelsea i ndryshëm nga e kaluara, nuk mund ta krahasojmë me ekipin aktual. Tifozët duan të fitojnë gjithnjë sepse kështu janë mësuar, por është një presion ndryshe këtë herë. Na duhet që ta përshpejtojmë pak procesin, por kemi lojtarë të rinj në organikë.
Janë lojtarë me shumë talent, por që duan kohën e tyre. Na duhet kohë sepse për ta bërë projektin e ri që të funksionojë duhet kujdes. Edhe Terry, Lampard apo Drogba kanë qenë dikur të rinj”, u shpreh Pochetino.
