Fitorja e kombëtares A në Bjellorusi e shoqëruar me suksesin e thellë të Shpresave në Austri, ka gëzuar pa masë presidentin e Federatës Shqiptare të Futbollit Armand Duka, i cili e ka cilësuar 4 shtatorin si një ditë të shënuar për futbollin shqiptar. Me një postim në rrjetet sociale Duka ka falenderuar Shqipërinë e Rejas dhe atë të Bushit për rezultatet fantastike që regjistruan.
POSTIMI I DUKES:
Ditë e madhe për futbollin! #Kombëtarja shpërthen në #Minsk, duke e nisur me triumf Nations League. Një fitore mëse e merituar 0-2. Bashkë me suksesin historik të ekipit Kombëtar U21 me rezultatin 1-5 në Austri janë dy rezultate që e rikthejnë 4 shtatorin përsëri në një datë për t’u mbajtur mend. Futbolli sërish na bën krenarë si komb! Është një moment që duhet ta shijojmë të gjithë, duke shikuar vetëm përpara. Faleminderit djem kuqezi (Kombëtare & Shpresa), faleminderit të gjithëve për mbështetjen!