Presidenti i FSHF-së, Armand Duka, në fjalën e tij në përfundim të finales së Kupës së Shqipërisë theksoi se ajo që Vllaznia dhe Laçi ofruan në këtë përballje është një panoramë e asaj që ka ndodhur përgjatë sezonit.
“Besoj se finalja e sotme ishte në njëfarë mënyrë panorama e gjithçkaje ka ndodhur gjatë këtij viti. Ishte ndeshje perfekte nga të gjithë këndvështrimet, me mbështetjen e dy tifozërive, lojë e luftuar, të dy ekipet ishin të përgatitur. Ishte ajo çfarë ka ndodhur në sezonin futbollistik, në kampionat dhe Kupë.
Ky është futbolli, kur mobilizohesh, kur kontribuon, kur organizohesh, kur bën ekip të mire, bëhesh kampion. Disa vite më pare, si Tirana dhe Vllaznia kanë qenë një kategori më poshtë, sot njëra fitoi titullin, tjetra Kupën. Vllaznia ka qenë ekip simpatik në të dy edicionet e fundit, vjet ishte thuajse kampione deri në minutat e fundit. Unë uroj të bëjnë të njëjtën performancë edhe në garat ndërkombëtare, të na mbajnë sa më gjatë në Europë. Jo vetëm Tirana dhe Vllaznia, por edhe Partizani e Laçi. Të katër skuadrat tona, që do të luajnë në Europë, uroj të kenë sukses dhe të dhurojnë spektakël për Shqipërinë.”
