Dukagjini arriti në Podujevë një fitore të madhe për objektivin mbijetesë. Skuadra e Armend Dallkut triumfoi 0-1 ndaj Llapit falë golit të Iljasa Zulfiut. Ish-lojtari i Laçit në Superiore, tundi rrjetën kundërshtare me kokë në minutat e para të pjesës së dytë.
Ndërkohë, heroi i skuadrës nga Klina ishte portieri Kenan Haxhihamza. 25-vjeçari nga Rahoveci priti dy penallti të skuadrës së Llapit, duke u shfaqur vendimtar në suksesin e jashtëzakonshëm që ka ngjitur Dukagjinin në vendin e tetë me 12 pikë.
Humbja e pestë në kampionatin dardan për Llapin, dhe e dytë radhazi. Djemtë e Batatinës janë shumë larg pritshmërive, teksa renditen në vendin e gjashte me 13 pikë të grumbulluara në 12 ndeshje të luajtura.
