Kombëtarja U19 do të nisë ditën e hënë përgatitjet për dy miqësoret e muajit mars kundër përfaqësueses së Maltës. Trajneri Armando Cungu zbardhi këtë të shtunë listën me emrat e 20 futbollistëve që do të grumbullohen për këto dy takime, që do të zhvillohen në Maltë.
Lista e lojtarëve kuqezinj të grumbulluar është e përbërë jo vetëm nga futbollistë që aktivizohen në kampionatin vendas. Shumica prej tyre vijnë nga jashtë Shqipërisë. Një pjesë e këtyre lojtarëve kanë qenë edhe më parë pjesë e ekipit kombëtar U19. Në listën e lojtarëve të thirrur nga trajneri Cungu bien në sy edhe emra që aktivizohen e luajnë në klube të mëdha europiane.
LEXO EDHE:
- Zyrtarizohet lista për Poloninë, ja risitë e Sylvinhos
- Shorti i Championsit, përplasje “gjigantësh” në çerekfinale
- Europa League/ Juventusi “peshkon” Sportingun, Man. United përballë Sevillas
- Mourinho “mbret” i ironisë: A ka një garë tjetër ku të luajë Lazio?!
Elliot Krasniqi (Tottenham Hotspur), Ervin Bashi (Ac Milan), Elton Fikaj (Panathinaikos), Ardit Nuredini (Udinese), Adijat Seferi (Hoffenheim) e shumë të tjerë. Kombëtarja do të niset të hënën në mëngjes drejt Maltës dhe do të zhvillojë të gjitha seancat stërvitore në Maltë. Miqësorja e parë është planifikuar të zhvillohet më 23 mars në ora 11:30. Miqësorja tjetër është programuar të luhet tri ditë më vonë (11:00).
LISTA E LOJTARËVE TË GRUMBULLUAR
