Kombëtarja shqiptare ka zhvilluar pasditen e së premtes seancën e fundit stërvitore në “Shtëpinë e Futbollit” para nisjes për në Varshavë. Si zakonisht grupi i ka nisur përgatitjet në qendrën e fitnesit për disa minuta. Më pas u spostuan në fushë nën urdhrat e trajnerit Sylvinho.
Seanca u zhvillua me dyer të mbyllura, teksa portieri Thomas Strakosha dhe sulmuesi Myrto Uzuni janë stërvitur rregullisht me grupin. Dy lojtarët nuk ishin pjesë e grupit një ditë më parë. Duke bërë më shumë fizioterapi për shkak të shqetësimeve nga lodhja muskulore.
Gjithsesi, stafi mjekësor ka konfirmuar se gjithçka është në rregull dhe lojtarët i janë rikthyer stërvitjes me shokët e skuadrës.
Lexo edhe:
- U shkarkua nga Bayern, destinacioni i ardhshëm i Nagelsmann në Premier League
- Al Khelaifi: Duam t’i mbajmë Messin, Mbappen dhe Ramos, por kemi një sy te akademia
- Modric: E ardhmja? Dëshira ime dihet, pjesa tjetër janë thashetheme dhe supozime
- Mbappe fokusohet te Maignan: Ishte e rëndësishme të mos pësonte gola!
Për rreth 90 minuta skuadra ka zhvilluar ushtrime fizike. Më pas ushtrime me top me situata të ndryshme lojejithçka ka shkuar sipas programit dhe pa probleme fizike për lojtarët. Duhet theksuar se atmosfera është shumë e mirë dhe kombëtarja ka vijuar përgatitjet në kushte mjaft të mira në Shtëpinë e Futbollit.
Kuqezinjtë nisen mëngjesin e së dielës drejt Varshavës, aty ku të hënën në mbrëmje do të luhet sfida e parë e kualifikueseve të Europianit 2024 ndaj Polonisë.
