Paulo Dybala rezultoi pozitiv në testin për Koronavirusin disa ditë më parë dhe po e kalon periudhën e detyrueshme të karantinës në shtëpinë e tij bashkë me partneren Oriana. Edhe pse i izoluar, sulmuesi argjentinas është i prirur të mbajë kontakte me tifozët:
“Pas disa simptomave të forta, që kam pasur para disa ditësh, tani jam mirë. Mund të lëviz dhe gjithashtu po mundohem të bëj disa ushtrime”, – shpjegoi argjetinasi përmes Skype në një lidhje të drejtpërdrejtë me “#ACasaConLaJuve”.
Ditët e fundit nuk kanë qenë të lehta për “Joyan”:
“Kur përpiqesha të bëja diçka, më kisha vështorësi në frymëmarrje dhe pas 5 minutash ndihesha i lodhur, muskujt me dhmbinin më duhej të ndaloja,” – shtoi Dybala. – “Për fat të mirë, unë dhe Oriana jemi më mirë.”
