Në sfidën mes Brazilit dhe Argjentinës, zhvilluar në Arabinë Saudite, Paulo Dybala zhvilloi vetëm 59 minuta lojë, për të dalë më pas me probleme në gju, ndërsa rriti shqetësimin te drejtuesit e klubit të Juventusit.
Gjithsesi ylli argjentinas është rikthyer në Torino dhe sot është stërvitur plotësisht me grupin, duke befasuar, pasi gëzonte një formë mjaft të mirë dhe gjuri nuk e shqetësonte aspak.
Ky është një lajm mjaft i mirë për Massimiliano Allegrin, pasi do të mund të ketë në dispozicion një nga futbollistët më në formë, në prag të turit të forcës, ku do të luajnë 6 ndeshje në rreth 20 ditë.
