Rey Manaj realizon dygolësh me skuadrën e dytë të Barcelonës në barazimin 2-2 në fushën e Prat, në kuadër të javës së 15-t të Segunda B, Grupi A (kategoria e tretë në Spanjë). Sulmuesi i Kombëtares Shqiptare realizoi fillimisht me 11-metërsh në minutën e 51-të, duke zhbllokuar takimin, para se vendësit të barazonin me Neeskens vetëm pak çaste më vonë. 23-vjeçari i dha për herë të dytë epërsinë Barcelonës në minutën e 81-të, por dy minuta para përfundimit të kohës së rregullt, Domi ktheu baraspeshën në rezultat, me sfidën që u mbyll pa fitues.
Ky dygolësh i Rey Manajt vjen pas tri finalizimeve të tjera të realizuara në këtë sezon në Segunda Division. Një sinjal edhe për trajnerin e Shqipërisë Edy Reja për kualifikueset e Botërorit, që nisin në muajin mars.