Gjilani siguroi fitoren e tretë radhazi në IPKO Superligë përballë Drenicës, të cilën e mposhti me rezultatin 2-0. Një sukses që e mban ende në garë për titullin kampion skuadrën e Gentian Mezanit kur kanë mbetur edhe tri ndeshje nga fundi.
Keita Razak shkëlqeu me dygolësh në këtë sfidë, duke e dërguar topin në rrjetë në minutat 21’ dhe 33’. U mendua se fitorja e Gjilanit do të ishte më e thellë, por pas disa rasteve të shpërdoruara gjithçka u bë më e vështirë me pas ndëshkimit të Halilit më kartonin e dytë të verdhë (humb derbin me Dritën).
Edhe pse luajti për thuajse 20 minuta në epërsi numerike, Drenica nuk ia doli të shënonte qoftë një gol për të shpresuar për të paktën një pikë në këtë fushë të vështirë.