Futboll

Dygolësh i Richarlison, Brazilit i mjafton pjesa e parë ndaj Ganës (video)

Brazili dominon ndaj Ganës në miqësoren e zhvilluar në Le Havre të Francës, ku “Seleçao” e mbylli praktikisht ndeshjen që në pjesën e parë. Përfaqësuesja e drejtuar nga Tite triumfoi 3-0 falë golave të Marquinos dhe Richarlison (dy gola).

Falë një formacion ultraofensiv, me Neymarin të tërhequr në mesfushë dhe treshen Vinicius-Richarlison-Raphinha në vijën e parë, Brazili u duk qartë se dëshironte të dhuronte spektakël dhe nuk zhgënjeu.

Që në minutën e 9-të, në zhvillimet e një këndoreje të ekzekutuar nga Raphinha, Marquinhos realizoi golin e parë më kokë.

Në të 28-tën, Richarlison, i shërbyer nga Neymar, shënoi me një goditje të befasishme në hyrje të zonës.

I njëjti autor realizoi të dytin personal dhe të tretin për Brazilin në minutën e 40-të, duke varrosur shpresat e Ganës për rezultat pozitiv që në fraksionin e parë.

Gjatë pjesës së dytë Tite bëri ndryshime të shumta në formacion, duke hequr nga fusha disa nga titullarët si Thiago Silva, Casemiro, Vinicius Junior dhe Richarlison, me rezultatin që nuk ndryshoi në minutat e mbetura.

Kliko për të komentuar

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Të Fundit

EVENTET NË SUPERSPORT

To Top
Evolve Web Agency Evolve Web Agency