Edin Dzeko mendon vetëm për Romën dhe për asnjë skuadër tjetër. Sulmuesi është aq i bindur për zgjedhjen e tij, sa ka refuzuar sërish një superofertë nga kontinenti aziatik.
Sipas mediave italiane, boshnjaku pas ofertës nga Tianjin Quanjian, i ka thënë “jo” edhe shumës prej 12 milionë eurosh në vit nga një tjetër skuadër kineze.
31-vjeçari i ka të qarta idetë dhe e ardhmja e tij mesa duket do të vazhdojë të jetë me ngjyrat verdhekuqe. Dzeko është i lidhur me skuadrën e drejtuar nga trajneri Di Francesco deri në fund të 2020-ës dhe nuk ka aspak ndërmend të largohet.
