Sergio Busquets duket se ka ndryshuar mendje sa i përket vendimit për të ardhmen e tij. Sipas “El Mundo Deportivos”, mesfushori papritur ka vendosur të shtyjë për një vit transferimin në Ligën e Futbollit të Amerikës së Veriut (MLS).
Busquets, 34 vjeç, po reflekton dhe mendon të qëndrojë edhe një sezon në shërbim të klubit katalan, sigurisht nëse ka interes edhe nga pala tjetër.
Një bisedë me trajnerin Xavi Hernándezin ka ndikuar në marrjen e këtij vendimi. Në këtë zgjedhje të Busquets mësohet se ka ndikuar edhe fakti që edhe miku i tij, Lionel Messi, ka vendosur të rinovojë kontratën me PSG-në për një vit (ndonëse ende nuk është zyrtare), duke e shtyrë largimin e tij në SHBA.