Mesfushori brazilian i Barcelonës, Paulinho, mund të rikthehet në kampionatin kinez dhe pikërisht te Guangzhou Evergrande. Zërat për një ofertë për largimin nga “Camp Nou” kanë marrë konfirmim nga vetë futbollisti pas takimit mes Brazilit dhe Belgjikës në Botëror. Paulinho ka theksuar se ka një ofertë nga Kina dhe nga një tjetër klub dhe se për të vendosur për të ardhmen, do t’i duhet të flasë me menaxherin e tij dhe me drejtuesit e Barcelonës. Verën e kaluar, 29-vjeçari u transferua te Barça për një shumë prej 40 milionë eurosh nga Guangzhou, ndërsa shënoi nëntë gola në 49 paraqitje për katalanët.